Vreme  j' od maškar. Poludelo j' mlado i staro. Sope se, kanta i tanca. I mi mladi volimo maškare. Mi školani OŠ Viktora Vara Emina sako leto smo va maškaranoj parade Lovrane. Ovo leto smo prvi put šli v Opatiju.  Nedeju 17. febrara. Skupilo nas se j' 77. Z našemih meštricah kurjera nas je prepejala do Hotela Ambasadora. Va paradi j' bilo 37 grup, a mi Lovranci smo bili 30. Bili smo maškarani va prijatelje z crtića „A je to“. Sobun smo imeli karić z bandjerun i rampu.

Po Opatije je bilo nekoliko pozornic. Predstavili smo se puli prve, puli druge smo zatancali, a na trećoj nas je snimala televizija. I tu smo tancali, a ja san nas ponosno predstavil. Sve je bilo super veselo i zabavno. Šli smo do Slatine kade smo se okrepili s krafnami i sokun.

Zabavili su nas i animatori na štulami. Zadovojni smo šli doma. Sada se pripravjamo za povorku va našin Lovrane. Siguran san da ćemo se i tu lepo zabavit.

                                                Dian  Žeko  4.b